Таисия Айглова лӱмеш шарнымаш оҥам почмо

                    Марий Турек районышто Таисия Айглова лӱмеш шарнымаш онам почмо. Таисия Ямбатровна вольыкым ончышылан пашам ыштен, Социалистический Пашан Геройжо, Марий Турек посёлкын почётан гражданинже. Тудо 36 ий ял озанлыкыште тыршен, вольык озанлыкым вияҥдымаште, шылым, шӧрым ыштен налмаште кугу лектышым ончыктен. Таисия Айглова Ленин орден дене, «Сорла да чӧгыт», «За трудовую доблесть» медаль- влак дене, ВДНХ-н шӧртньӧ медальже дене палемдалтын. Тудын лӱмжым Паша Чап книгашке пуртымо. Оҥам торжественно почмаште Кугыжаныш Погынын депутатше, муниципал районым, посёлко администрацийым вуйлатыше- влак родо- тукымжо, Ӱлыл Турекысе калык участвоватлен.
Фото: https://gg12.ru/