Сергей Мартынов «Юнармийын» штабыштыже лийын

                   Сенатор Сергей Мартынов республикыштына «Юнармийын» штабыштыже лийын. Тудо республикыш толмо кышкарыште Йошкар-Оласе Самырык- влакын полатышкышт миен. Тушто «Юнармий» патриот толкынын республикысе штабше верлана. Парламентарий штабым вуйлатыше Александр Мухачёв да организацийын ончылеҥже- влак дене  вашлийын. Нуно кызытсе самырык тукымым патриотизм шӱлышеш шуарымашын кӱлешлыкше нерген ойленыт. Тиде пашаште кугу верым «Юнармий» толкын налеш. Тиде организацийыш республикыштына 6 тӱжем утла самырык ен ушнен. Тиде пашан кӱлешлыкшым умылен, кӱшыл кучмыштат кугу тӱткыш ойыралтеш. Тиде пашалан правительстве председательын икымше алмаштышыже Михаил Васютин мутым куча. Штаб- влак чыла районыштат почылтыныт. Школлаште 36 кадет класс пашам ышта, а Марий Турек районышто ик школ тӱрысынек юнармейский лийын. Регионышто 100 утла патриот клуб уло. Сергей Мартынов юнармеец- влаклан «Поездка в Сирию» альбомым пӧлеклен. Тудо тушто ик гана веле огыл лийын.
Фото: https://www.marpravda.ru/