Марий Элым вуйлатыше тулым йӧрташ ушнышо доброволец- влак дене вашлийын

                 Марий Элым вуйлатыше тулым йӧрташ ушнышо доброволец- влак дене вашлийын. Таче 6 шагатат 30 минут эрдене Александр Евстифеев Россий МЧС-ым вуйлатыше- влак дене селектор совещанийыште участвоватлен, вара тулым йӧрташ толшо доброволец- влак дене вашлийын. Марий Элым вуйлатыше Российысе граждан оборона, вучыдымо ситуаций да эҥгекым кораҥдыме шотышто министрын сомылжым жаплан шуктышылан республикысе пожар нерген увертарен. Чыла вийым ушымо, верыштак оперативный штабым ыштыме, тулым йӧртымӧ паша чарныде шукталтеш манын. Селектор совещанийын лектышыже почеш Россий МЧС-ын вертолётшым ойыраш пунчалме. Тыге кок вертолёт толын: оборона министерствын да МЧС-ын. Совещаний деч вара Александр Евстифеев тулым йӧртымӧ верыш доброволец- влак дене вашлиймашке миен. Тудо нунылан таум каласен да лӱдыкшыдымылык мерым эскераш кӱштен. Тудо палемден: таче кок вертолёт пашам ышта. Волонтёр- влак  рюкзакысе вӱд, кольмо дене полышым пуат. Кочкыш, йӱаш вӱд ситыше лиеш. Но пеш тӱткӧ лияш кӱлеш, йӧртымӧ верыштат шокшо лаке- влак лийын кертыт, южыжо кроссовко дене толын, шекланыза манын. Еҥ- влак кызытат шокшо линийыш йыҥгыртат да шке полышыштым темлат.
                Республикысе чодыраште шуйнышо пожарлан кӧра Марий Элым вуйлатыше Александр Евстифеев регионысо чодыраште чрезвычайный ситуаций режимым пуртен. Тиде документ калыкым, ял кундемлам тул деч аралаш, калыкын илышыжылан, тазалыкшылан лийын кертше эҥгекым кораҥдаш да илыме йӧным начаремдаш огыл манын ышталтын. Кызыт тулын Студенкыш, Сосновый Борыш, вич меҥге кумдыкышто верланыше моло ялыш да Звенигово район кумдыкыш шарлыме лӱдыкшӧ лектын.

Прошлые выпуски