Марий Элын сарзе комиссариатше «шапашыште» улшо- влак дене контрактым пеҥгыдемда

                Марий Элын сарзе комиссариатше «шапашыште» улшо- влак дене контрактым пеҥгыдемда. Сарзе комиссариатыште увертарыме почеш, шапашыште улшо еҥ- влакым мобилизаций резервыште лияш ойырен налыт. Резервыште лияш контрактым военный службым эртыше да воин званиян еҥ- влак дене ышташ лиеш. Тиде: 42 ияш марте салтак, сержант да прапорщик дене, 47 ияш марте лейтенант, капитан, капитан-лейтенант дене, 52 ияш марте майор, кумшо ранган капитан, подполковник, кокымшо ранган капитан дене, 57 ияш марте полковник, икымше ранган капитан дене, йӧрымӧ шотышто А,Б категориян- влак дене ойпидышым кылдаш лиеш. Икымше контракт кум ийлан ышталтеш. Кӧ тиде йӧн дене пайдалана гын, тылзе еда мыняр-гынат окса тӱлалтеш. Паша законодательстве дене келшышын контрактник- влак резервыште улмо жапыште аралалтыт, вургемым, кочкышым, медицина полышым налыт. Резервист паша вержым арален кода, военный переподготовкым эртымыж годым пашам пуышо тудым паша гыч луктын колтен ок керт. Тылзаш кокла пашадарым сборыш налше орган тӱла. Контрактым ыштыме шотышто йодышым 42-64-96 номеран телефон дене рашемдаш лиеш.
Фото: zmeinogorsk.bezformata.com