Россий Федерацийысе субъектла коклаште корным чоҥымо дене рейтингыште Марий Эл 12-шо верым айла

                         Россий Федерацийысе субъектла коклаште корным чоҥымо дене рейтингыште Марий Эл 12-шо верым айла. Таче Элысе Правительстве председательын алмаштышыже Марат Хуснуллинын регионлам вуйлатыше- влак дене эртарыме правительстве комиссий Президиумын заседанийыштыже чоҥымо паша да корным чоҥымо йодышым каҥашыме. Ончымо ик йодышыжо- «Илыме вер да оласе кумдык» калыкле проектым шыҥдарыме дене кылдалтын. Тений республикыште 369 тӱжем квадрат метр илыме верым ыштен шуктышаш улыт. Январь гыч август марте 179 тӱжем квадрат метрым ыштыме. Илаш йӧрыдыцмӧ портла гыч калыкым кусарыме программышке шуко пачеран 404 пӧртым пуртымо. Тудын дене келшышын 2023-шо ий марте шым тӱжем утла еҥым кусарыман. Кызытеш тӱжемат 100 утла еҥлан илыме верым пуымо. Тенийсе планым шукташлан эше 809 еҥым кусарыман. «Качестван лӱдыкшыдымӧ корно» проект кышкарыште корным чоҥымаш вияҥын толеш. Тачысе кечылан 397 меҥге корным норматив марте шуктымо. 2017-ше ийыште ик процент лийын гын, тенийлан 16 утла процентыш шуын. Йошкар-Ола агломерацийысе норматив дене келшен толшо корно 23 процент гыч 49 процент марте ешаралтын. 16-шо августлан шотлымаште Российысе кундем- влак коклаште корным чоҥымо рейтингыште Марий Эл 12-шо верыште улеш.