Вӱдым пушкыдемдыме станцийым графикым ончылтен чоҥат

               Вӱдым пушкыдемдыме станцийым чоҥымаш графикым ончылтен шукталтеш. У Торъял посёлкысо вӱд заборышто вӱдым пушкыдемдыме стацийым чоҥаш тӱҥалме. Тудын 94 процентлан ыштен шуктымо. Тыгеже лишыл жапыште кок тӱжем наре верысе калык чапле вӱдым йӱаш тӱҥалеш. Тачысе кечылан централизованно вӱдым ситарыме системыште известь ден кальцйын шинчалже нормо деч шуко улеш. Сандене вреысе калык йӱшаш вӱдым вес илемла гыч конда. Тидыже нимынярат ок куандаре. У станций шагатыште 57 утла кубометр сай вӱдым пуаш тӱҥалеш. Чоҥымо проектыш 300 кубический метр кугытан кок емкостьым шындымаш, насос станцийым чоҥымаш, вӱдым пушкыдемдыме установкым вераҥдымаш пурат. Пашалан 24 миллион утла теҥге оксам ойырымо. Кызыт специалист- влак станций кумдыкым тӱзландарат.
Фото: oskada.ru