Йошкар-Оласе 19 школ тунемме книга укелан кӧра шижтарымашым налын
Йошкар-Оласе 19 школ тунемме книга укелан кӧра шижтарымашым налын. Олан прокуратурыжо школ- влакым шинчымашым налаш лийме шотышто законым кузе шуктымыштым терген. Рашемдыме: 19 школын книгагудыжо тунемме книга дене тичмаш укомплектоватлалтын огыл. Тидыже тунемше- влаклан программым тичмаш тунемаш чаракым ыштен кертеш,- ойлат правам аралыше органыште. Кугыжаныш образовательный стандартын йодмыж почеш школ- влак учебникын федерал перечньыж гыч ик учебник деч шагал огыл ситарышаш улыт. Тыгак оласе 19 школын директорыштлан законым пудырташ ок лий манын шижтарымашым кучыктымо. Прокуратура тиде йодмашым шуктымым терген шога.
Фото: ciur.ru
Фото: ciur.ru