Чодыра пожарым йӧрташ пӧръеҥ- влакым вучат
Чодыра пожарым йӧрташ пӧръеҥ- влакым вучат. Мэрийыште уэш волонтёр- влакым погымо нерген увертареныт. Тиде паша вийым йодеш. Сандене пӧръеҥ- влак кӱлыт. Нуно эрла 6 шагатат 30 минутлан «ВТБ» банк воктелсе площадкыште, Вашский уремысе 8-ше пӧрт воктене погынышаш улыт. Кумылан- влак 112 але 64-16-63 номеран телефон дене возалт кертыт. Пелен келшыше вургемым, иктаж мом пурлаш, вӱдым, перчаткым, йолчиемым, кольмым але товарым налаш кӱлеш.