Таче эрденат Александр Евстифеев тулым йӧртышӧ доброволец- влак дене вашлиймашым эртарен
Таче эрденат Александр Евстифеев тулым йӧртышӧ доброволец- влак дене вашлиймашым эртарен. Юж технике тыгак умбакыже кучедалеш, ныл вертолёт чоҥештылеш, кечеш 400 утла тонн вӱдым шыжыкта. Икте- весыдам шекланыза, иктат йомшаш але эмганышаш огыл. Ситыдымашым ужыда гын, вигак вуйлатыше- влаклан шижтарыза. Ме пырля чыла виктарен колтена, манын тудо. Рушарня кас гыч ситуаций вашталтын огыл. Тыгак 54 гектар чодыра йӱла. Тӱҥ паша Куяр да Устье-Кудыш лесничестве кундемлаште шукталтеш. Пашам сутка мучко ыштат. Таче эрдене эше 258 доброволец тулым йӧрташ ушнен.