Эҥгек калыкым иктыш чумыра
Марий Элым вуйлатыше чодыра пожар дене кучедалмаште республикысе калыкын икоян да патриотизм шӱлышан улмыжым палемден. Вертолёт- влак 6 шагат эр гыч кас марте пашам ыштат. Доброволец- влак смена дене тыршат. Нуно вертолет деч вара кодшо тулым йӧртат. Тиддеч посна эше Волжский районышто ик вере тул пижын. Но тудым верысе калык да пожарный- влак вашке йӧртеныт. Медведево районышто тулым йӧртымаште доброволец- влак кукшо паёкым налыт, кечывалым шокшо кочкыш дене пукшат. Марий Элым вуйлатыше калыкын, предприятий да профессионал коллектив- влакын икоян улмыштым палемден. Озанлык субъект- влак кочкыш сатум, тулым йӧртымӧ ӱзгарым, техник средствым темлат. Чылан ик команде семын тыршат. Тидыже куандара да ваш ӱшаным шочыкта.