Таче - Отечествын Геройжо- влакын кечышт

                Таче элыштына Отечествын Геройжо- влакын кечышт палемдалтеш. Марий Элым вуйлатыше Александр Евстифеев тиде пайрем дене республикысе калыкым саламла. Тиде шарнымашан датыште калыкнан тӱҥ поянлыкше ончыкталтеш- шӱм-чон куат, шочмо элым йӧратымаш, кӧргӧ вий, лӱддымылык, пашам йӧратымаш да илышым пуаш ямде улмаш. Элнана пӱрымашыштыже волгыдо кышам кодышо Геройжо- влакым Марий Эл пагален шарна. Нунын коклаште Совет Ушемын  да Российын Геройжо- влак, Социалстический пашан Геройжо, Паша Чап орденын кавалерже- влак. Тиде- сарын ветеранже, Ачамландым аралыше, шанчыеҥ, врач, производствым тӱналше, сулло чоҥышо, аграрий да шуко молат улыт. Кажныжын надырже- Марий кундемын поянлыкше. Геройло йӱлам тукым гыч тукымыш шуен толмаш- Российын вий ден куатше. Илышыште кеч-кунамат подвиглан вер уло. Тидым пандемий эше ик гана пеҥгыдемден ончыктыш. Кызыт ме медицина пашаеҥ- влаклан кугу таум ойлена. Нуно илышыштым да тазалыкыштым чаманыде коронавирус инфекций дене кучедалме сарыште ончылно каят. Тыгаяк поро шомак волонтёр ден доброволец- влаклан. Тиде пайрем кечын Марий Элысе чыла калыклан пеҥгыде тазалыкым, нимучашдыме куатым да кужу ӱмырым тыланем, -  ойлалатеш республикымвуйлатышын саламлымашыштыже.