Марий Элыште транспортын пашажым виктарыше организаций ышталтшаш

             Марий Элыште транспортын пашажым виктарыше организаций ышталтшаш. Марий Элым вуйлатыше Александр Евстифеев «Транспортын пашажым виктарымаш» кугыжаныш казённый тӧнежым ыштыме нерген пунчалым пеҥгыдемден. Организацийыште 24 еҥ пашам ышташ тӱҥалеш. Тӧнеж корно лӱдыкшыдымылыкым ыштымаште, калыкым транспорт дене обслуживатлыме аланыште социал, виктарыме, моло функийым шукташ тӱҥалеш. Тиддеч посна у организацийын сотрудникше- влак транспорт- влакым спутник полшымо дене эскерен шогат. Транспорт да корно озанлык министерстве тиде тӧнежын учредительже семын пашам ышта. Тыгай тӧнежым ышташ темлымашым тений январьыште транспорт министр Александр Герасименко ыштен ыле. Тудын мутшо почеш, тӧнеж транспортын пашажым чыла велымат терген шогаш тӱҥалеш.