Шарнымаш Книгам ыштыме йодышым каҥашыме

              Йошкар-Ола администрацийыште эртыше совещанийыште Кугу Ачамланде сарыште лийше- влакым  возымо электрон Шарнымаш Книгам ыштыме йодышым каҥашыме. Российысе изирак илемлаште кугу сарыште лийше- влакын эн шуко чотыштым шарнымашеш кодаш, лӱмышытм да пӱрымашыштым рашемдаш  манын, Российын Президентше Владимир Путинын кӱштымыжым шуктен, электрон книга- влакым ышташ пунчалме. Регионласе Шарнымаш книгала гыч 2025-ше ийлан, тунам сарыште сеҥымылан 80 ий теммым палемдаш тӱналына, ик кугу книга ышталтеш: «Изи Шочмо вер. Шарнымаш Книга». Тудым чыла еҥ ончен да лудын кертеш. Ола администрацйиын тӱвыра виктемжым вуйлатыше Надежда Логинован увертарымыж почеш, электрон савыктышыш шочмо кече, шочмо вер, призыв, колымо  да моло автобиографий увер- влак гына огыл, сар жапысе служба нерген моло электрон документ- влакат пурталтыт. Тиде- салтак але офицер книжка, награде нерген документ, похоронка да моло официальный документ, фотографий- влак лийыт. Тыгак ондак ыштыме Шарнымаш Книгаш пурыде кодшо салтак- влак нергенат уверым погат.
             "Йошкар-Ола" газет гыч М.Емельянован фотожо.