Шӱк-куштырам погымо йодыш дене кылдалтше совещаний эртен
Марий Элым вуйлатыше контейнер площадкыла воктене чумырымо шӱк куштырам погымо да пытармые йодышым ончен лекташ кӱштен. «Экологий» калыкле проект кышкарыште» республикыштына «Пеҥгыде коммунал шӱк-куштыра дене пашам ыштыме комплексный системым ыштымаш» федерал проект шыҥдаралтеш. Проектын черетан йыжыҥжым шыҥдарыме- ойыркален погымо да отходым пытарыме йодышлан Правительстве пӧртыштӧ Республикым вуйлатыше Александр Евстифеевын эртарыме совещаний пӧлеклалтын. Пӱртӱс поянлык министр Алексей Киселёв проектым тений илышыш шыҥдарыме нерген ойлен. Мутлан, Курык марий районысо Вопшынангыр ял воктене шӱк-куштырам ойыркалыше мобильный комплексым вераҥдыме. Тудо талукышто 15 тӱжем тонным ойыркален кертеш.
Министр ойыркален погымо паша шотышто ситуацийым умылтарен. Паша план почеш кая. Кызыт Йошкар-Ола, Волжск, Медведево ден Советскийыште ойыркален погаш 330 контейнерым вераҥдыме. Республика у контейнерым налаш субсидийым ойырымо 46 субъект радамыш пурен. Ныл миллионат 600 тӱжем теҥге дене пластикым погаш 318 евроконтейнерым налме лиеш. Кызытеш контейнер уло, а площадке ок сите. Санитар йодмаш почеш нуным лӱмын ямдылыме верлашке шындыман. Сандене шушаш ийын йодыш пӱсешт кертеш, - каласен министр.
Тидымат палемдыме: шӱк-куштырам ойыркален погымо пашам шыҥдараш манын, вторичный сырьём погымо пунктлан проектым ыштыме. Тиде пилотный проект лиеш. Отходым приёмщик оксала налаш тӱҥалеш. Кажныже- картон, кагаз, янда, алюминий банке, полиэтилен, йӱыш, шампунь, мушмо средстве деч ате, канистр, лустыра посна висен налалтеш. Республикым вуйлатыше быт отходым огыл, а контейнер площадке воктене куштырам погымо да пытарыме йодышым радамлен лекташ кӱштен. Уке гын, ола ден моло илемлаште нигунам арулык ок лий, манын тудо.
Министр ойыркален погымо паша шотышто ситуацийым умылтарен. Паша план почеш кая. Кызыт Йошкар-Ола, Волжск, Медведево ден Советскийыште ойыркален погаш 330 контейнерым вераҥдыме. Республика у контейнерым налаш субсидийым ойырымо 46 субъект радамыш пурен. Ныл миллионат 600 тӱжем теҥге дене пластикым погаш 318 евроконтейнерым налме лиеш. Кызытеш контейнер уло, а площадке ок сите. Санитар йодмаш почеш нуным лӱмын ямдылыме верлашке шындыман. Сандене шушаш ийын йодыш пӱсешт кертеш, - каласен министр.
Тидымат палемдыме: шӱк-куштырам ойыркален погымо пашам шыҥдараш манын, вторичный сырьём погымо пунктлан проектым ыштыме. Тиде пилотный проект лиеш. Отходым приёмщик оксала налаш тӱҥалеш. Кажныже- картон, кагаз, янда, алюминий банке, полиэтилен, йӱыш, шампунь, мушмо средстве деч ате, канистр, лустыра посна висен налалтеш. Республикым вуйлатыше быт отходым огыл, а контейнер площадке воктене куштырам погымо да пытарыме йодышым радамлен лекташ кӱштен. Уке гын, ола ден моло илемлаште нигунам арулык ок лий, манын тудо.