МРОТ у ий гыч кугемеш
Шушаш ийын илен лекташ ситыше оксан эн изи кугытшо 13 тӱжемат 890 теҥге лиеш. МРОТ-ым кугемдыме нерген законым Российын президентше пеҥгыдемден. Икымше январь гыч тудо 13 тӱжемат 890 теҥге марте ешаралтеш. Ончыч законопроект 13 тӱжемат 617 теҥгем темлен. Кугыжаныш Дума тудым икымше лудмаште сайлан шотлен. Кокымшо лудмашлан Владимир Путин тӧрлымашым темлен- 13 тӱжемат 890 теҥге марте кӱзыкташ. Тыге, тиде кугытым 2022-шо 2024-ше ийлан бюджетыш пуртымо. МРОТ-ым кугемдымаш социальный пособийым, пашадарым нӧлталаш йӧным ышта.