Куштылго атлетике дене Марий Элын телымсе чемпионатше кум кече шуйна

                 Куштылго атлетике дене Марий Элын телымсе чемпионатше кум кече шуйна. 8-ше гыч 10-шо декабрь марте «Марий Эл» Арена» манежыште куштылго атлетике дене республикын чемпионат ден Первенствыже эрта. Спортсмен-влак лу дисциплиныште таҥасат. Тиде- 60, 200, 400, 800, 1500 да 3000 метрыш куржмаште, 60 метрыш чарак гоч куржмаште, кӱкшыташ да кужытыш тӧрштымаште да эстафетыште. Таҥасымашке чыла муниципал образований гыч 250 наре атлет ушнышаш. Нунын коклаште  шагал огыл республикысе телымсе чемпионатыште сеҥыше, шке дисциплиныштышт ончылно кайыше спортсмен- влак улыт. Чемпионатын лектышыже почеш январьыште Юл кундем округын первенствыштыже таҥасаш командым чумырымо лиеш. Таҥасымаш Ульяновскышто эртышаш. Тиддеч ончыч декабрь мучашыште первенствылан ямдылалтме шот дене Марий Элын кубокшо эрта.