«Финно-угрий студентчествын миссше» моторлык конкурс нерген
Марий университетын студенткыже «Финно-угрий студентчествын миссше» моторлык конкурсышто республикын чапшым арала. Икымше тыгай конкурс 2012-шо ийын мартыште лийын ыле. Кодшо ийын Удмуртийыште лийшаш ыле, но пандемийлан кӧра эртарыме огыл. Тиде гана моторлык дене таҥасымаш Ханты-Мансийскыште 20-шо гыч 22-шо декабрь марте лиеш. Марий Эл гыч таҥасыше Анна Гурина Марий университетысе калыкле тӱвыра да тӱвыра кокласе кыл институтышто тунемеш. Тудо таҥасымаште Шернурысо Лумӱдырын образшым ончыкташ тӱҥалеш.
