Тӱҥ федерал инспектор координационный совещанийым эртарен
Марий Элыште тӱҥ федерал инспектор Павел Волков полномочный представитель Игорь Комаровын кӱштымыж почеш исполнительный кучемын федерал органжын верласе органже- влакым вуйлатыше-шамыч дене координационный совещанийым эртарен. Каҥашымашке калыкле проект- влакым кузе шыҥдарыме, шуко пачеран пӧртлаште тӱшка погым олмыктымо системын кузе пашам ыштымыже, панкрут радамыш лукмо шотышто законодательствым пудыртымашым шижтарыме нерген йодышлам лукмо. Погынымаште Республикысе прокурорын икымше алмаштышыже Дмитрий Талипов, Правительство председательын икымше алмаштышыже Александр Сальников, исполнительный кучем органлам вуйлатыше, капитально олмыктымо фондын вуйлатышыже- влак лийыныт.
Тений республикыште латик калыкле проект кышкарыште регионысо 46 проект шыҥдаралтеш. Нуным шыҥдараш 9 миллиардат 500 миллион теҥгем ойырымо. Тушечын вич миллиардат пелыже- федерал бюджет гыч. Регионысо проектла кокла гыч 17 объектшым ыштен шуктымо, эше визытше мучашлалтеш. Кокымшо йодыш шотышто теве мом палемдыме: тений шуко пачеран 101 пӧртыштӧ тӱшка погым капитально олмыктымо. Нине пӧртлаште 13 тӱжемат 600 еҥ ила. Панкрут радамыш лукмо аланыште правам аралыше орган- влаклан лӱмын панкрут радамыш лукташ тыршымашым рашемден шогаш, тиде паша дене ведомство- влак коклаште кылым саемдаш кӱштымӧ. Совещанийым иктешлышыла Павел Волков палемден: нине йодышым Юл кундем округышто Россий Президентын полномочный представительже контрольышто куча.
Тений республикыште латик калыкле проект кышкарыште регионысо 46 проект шыҥдаралтеш. Нуным шыҥдараш 9 миллиардат 500 миллион теҥгем ойырымо. Тушечын вич миллиардат пелыже- федерал бюджет гыч. Регионысо проектла кокла гыч 17 объектшым ыштен шуктымо, эше визытше мучашлалтеш. Кокымшо йодыш шотышто теве мом палемдыме: тений шуко пачеран 101 пӧртыштӧ тӱшка погым капитально олмыктымо. Нине пӧртлаште 13 тӱжемат 600 еҥ ила. Панкрут радамыш лукмо аланыште правам аралыше орган- влаклан лӱмын панкрут радамыш лукташ тыршымашым рашемден шогаш, тиде паша дене ведомство- влак коклаште кылым саемдаш кӱштымӧ. Совещанийым иктешлышыла Павел Волков палемден: нине йодышым Юл кундем округышто Россий Президентын полномочный представительже контрольышто куча.