Рушарнян доброволецын кечыже палемдалтеш
Йошкар-Олаште калыкым шотлымо пашаште полышым пуышо волонтёр- влаклан тауштымашым кучыктеныт. Доброволецын кечыже вашеш Йошкар-Ола администрацийыште торжественный мероприятий лийын. Переписьыште полышкалыше волонтёр- влаклан тауштымашым увертареныт. Икымше гана перепись цифран йӧн дене эртен. «Кугыжаныш полыш» портал гочат возалташ лийын, а переписчик- влак уверым планшетыш возеныт. Тыгай у йӧнлан кӧра Росмолодёжь «Переписьын волонтёржо- влак» проектым темлен. Тушко ийготыш шушо да тунеммашым эртыше кеч-могай еҥат ушнен кертын. Самырык- влак полатым вуйлатышын алмаштышыже, переписьыште волонтёр- влакын кураторышт Лариса Лоскутован мутшо почеш, республикыштына 15 муниципалитетыште 184 волонтёр пашам ыштен. Эн шукыжо- Йошкар-Олаште- 50 утла еҥ калыкым возен налмаште полшен.