Ий эше вичкыж
Изи Какшан эҥерыште ийын кӱжгытшӧ 3-4 сантиметрыш гына шуэш. МЧС-ын сотрудникше- влак еҥ- влакын эҥер гоч вончаш йӧратыме верлаштышт ийын кӱжгытшым висеныт. Мутлан, 25-ше ноябрьлан ныл-вич сантиметр кӱжгыт лийын. Мероприятийыште МЧС-ын ГИМС-шын патруль службыжым вуйлатыше Александр Григорьев, ГИМС-ын внештатный инспекторжо Николай Ганин лийыныт. МЧС пресс-службын увертарыж почеш ий ноябрь-декабрьыште кылма. Лач тиде жапыште ий йымак пурен кайыше- влакын чотышт ешаралтеш. Сандене ийыш лекме годым пеш тӱткӧ лияш да лӱдыкшыдымлык правилым шуктен шогаш ӱжыт.