«Заря» микрорайонышто тротуар- влак уэмыт

                  Волжск оласе «Заря» микрорайонышто тротуар- влакым олмыкташ шым миллионат 800 тӱжем теҥгем ойырат. Волжскышто шушаш ийын «Илыме вер да оласе кумдык» калыкле проектын «Оласе йӧнан кумдыкым ыштымаш» программыже кышкарыште «Заря» микрорайонышто тротуар- влакым олмыкташ палемдыме. Подряд организацийымат ойырен налме. Тиде пашам Йошкар-Ола гыч «Орион» чоҥышо компаний шукташ тӱҥалеш. Пашан акше 7 шым миллиоант 800 тӱжем теҥгем эрта.  Тӱзландарыме паша Горный ден Кошкин уремласе йӧндымӧ ужашлаштыже шукталтшаш. Чылаже ныл тӱжем квадрат метр тротуарым ачалыман. Чыла пашам икымше август марте пытарышаш улыт. Олмыктышаш участке- влакым калыкын йӱклымашыже почеш ойырен налме. Шушаш ийын Волжскышто тыгак ныл кудывечым ачалат. Тидлан 10 миллион теҥгем колташ палемдыме.
                Фото: Марийская правда.