Республикысе рӱдӧ сайлыме комиссийын у составшын пелыже рашемын
Марий Элым вуйлатыше Александр Евстифеев «Республикысе рӱдӧ сайлыме комиссийын еҥже- влак нерген» Указеш кидпалыжым пыштен. Рӱдӧ избиркомын у соствышкыже тудын председательже Ирина Татаринова дене пырля шым еҥ пурен. Нунын коклаште Светлана Блинова, Андрей Гаврилов, Мария Микка, Екатерина Москвичёва, Вениамин Осокин, Татьяна Палий улыт. Кызытсе рӱдӧ сайлыме комиссийын полномочийже тений декабрьыште пыта. Республикын рӱдӧ сайлыме комиссийже 14 еҥ гыч шога. Пелыжым республикым вуйлатыше, пелыжым Кугыжаныш Погын вич ийлан пеҥгыдемдат.