Кок амбулаторийым вашке олмыктен шуктат

                Советский ден Курык марий районлаште амбулаторийым капитально олмыктымо паша мучашыш лишемеш. Тиде паша «Марий Элыште тазалыкаралтышын превичный звеножым уэмдымаш» программе почеш шукталтеш. Ик тӧнежше- Советский районысо Солнечный посёлкысо амбулаторий. Кок пачашан кермыч пӧртым 40 ий ончыч чоҥымо. Тудын дене военный- влак пайдаланеныт. Кызыт тудо тӱжем наре еҥлан полышым пуа. Амбулаторийыште врачын офисше да вич койкылан кечывалымсе стационар верланеныт. Районысо рӱдӧ эмлыме верын тӱҥ врачшын мутшо почеш, тымарте леведышым олмыктымо, ырыктыме системым, электровштырым, кӱварым вашталтыме, тӱжвал пырдыжым керамогранит дене комыжлымо. Кызыт пӧрт кӧргыштӧ паша шукталтеш. Идалык мучаш марте пашам пытарышаш улыт.
                 Курык марий районысо Виловат амбулаторийытат паша чолган кая. 1986-шо ийыште чоҥымо кок пачашан зданийыште врачын, терапевтын, педиатрын, лабораторийын кабинетышт, пӱйым эмлыме, процдурный, рентген пӧлем, йоча консультаций, смотровой кабинет да конференц-зал верланеныт. Тышке кок врач участке пура. Тушто куд тӱжем утла еҥ ила. Кызыт тӧнежыште кӱварым, тувырашым, ырыктыме системым вашталтыме. Тений уэмдыме программе почеш тазалыкаралтышын 6 тӧнежшым олмыкташ да Волжский районысо Учимсолаште ФАП-ым чоҥаш палемдыме ыле. Тудыжо пашам ышташ тӱҥалын. Олмыктымо тӱҥ пашам поликлинике ден участковый эмлыме верлаштат шуктымо.

Прошлые выпуски