Ял озанлык- влак у техникым наледат
Республикысе аграрий- влак кызытсе жаплан келшыше ял озанлык техникым наледат. Тиде кечылаште кок предприятий: Шернур районысо «Лукоз» СХП да Курык марий районысо амалкалче Торуткинын фермер озанлыкше шурным погышо Акрос ден Нова комбайным налыныт. 22-шо ноябрьлан шотлымаште республике мучко ик миллиардат 500 миллион теҥгелан шурным погышо 24 комбайным, 601 оборудованийым налме. Тидыже кодшо ийысе тыгаяк жаплан шотлымаште 104 процент лиеш, - увертара ял озанлык министерстве.