Йошкар-Олам тений вияҥдыме лектышым иктешлыме

             Йошкар-Олам тений кумшо кварталыште социал- экономик велым вияҥдыме лектышым иктешлыме. Кызытсе рӱдӧ ола- шуко отраслян кугу промышленный рӱдер. Тушто куд тӱжем утла предприятий ден организаций пашам ышта. Тушечын ик тӱжем нарыже обрабатыватлыше промышленностьыш пура. Тӱҥ пашалан машиностроений, металлургий производство, электрооборудованийым лукмаш, электроэнергетике, пищевой, куштылго промышленность, чоҥымо материалым лукмаш шотлалтыт. Кодшо ийысе тыгаяк жап дене таҥастарымаште тыгай экономик показатель- влак дене кушмаш палдырна: чоҥымо пашан кугытшо 120 утла процентлан ешаралтын, промышленный производствын индексше 105 процентыш шуын, ужалкалыме паша 118 процентлан, тӱлыман полышым пуымаш 106, илыме верым пашаш колтымаш 137, общественный питанийын оборотшо 128 процентлан кушкын. Пашадымылык кок процент утлалан шагалемын, кугу да кыдалаш предприятийлаште тыршыше- влакын пашадарышт 108 процентлан ешаралтын.