Марий Элыште шӧр лӱштыш ешаралт толеш
Марий Элыште шӧр лӱштыш ешаралт толеш. Тений январь гыч октябрь марте ял озанлык организаций- влак 105 тӱжем утла тонн шӧрым лӱштен налыныт. Тидыже ӱмашсе тыгаяк жап дене таҥастарымаште ныл наре процентлан шукырак. Ик ушкаллан шотлымаште лӱштыш куд тӱжемат 65 килограммыш шуын, ӱмашсе тыгаяк жап деч 59 килограммлан шукырак. Эн кӱкшӧ лектышым У Торъял да Медведево районысо озанлык- влак ончыктат. Тушто шым тӱжемат 686 да шым тӱжемат 320 килограмм шӧрым шупшылыныт.