Марий Эл гыч спортсменка панкратион дене Тӱнян чемпионкыжо лийын
Марий Эл гыч спортсменка панкратион дене Тӱнян чемпионкыжо лийын. Панкратион кучедалмаш дене Тӱнян Чемпионатыштыже Марий Эл гыч Мария Строкина шӧртньӧ медальым сеҥен налын. Таҥасымаш кодшо кечылаште Харьков олаште эртен. Волжский районын шочшыжо 61 килограмм марте нелытан- влак коклаште кучедалын. Мемнан республике гыч моло участнице- влакат кӱкшӧ лектышым ончыктеныт. Валерия Чепакова ший медальым, Марина Сабанцева ден Вероника Иванова той медальым сеҥен налыныт. Нуно чыланат «Рать» спорт клубышто шуаралтыт.