Марий Элым вуйлатыше «Российын транспортшо- 2035. Стратегий гыч шыҥдарыме марте» пленар дискуссийыште участвоватлен

              «Российын транспортшо» 15-ше тӱнямбал форум ончер кышкарыште Марий Элым вуйлатыше Александр Евстифеев «Российын транспортшо- 2035. Стратегий гыч шыҥдарыме марте» пленар дискуссийыште участвоватлен. Мероприятийыште Россий президентын полышкалышыже Игорь Левитин, транспорт министр Виталий Савельев, Правительстве председаельын икымше алмаштышыже Андрей Белоусов, Россий премьер министрын алмаштышыже Марат Хуснуллин лийыныт. Марий Элым вуйлатыше Александр Евстифеев калыклан транспортын кӱлешлыкшым палемден. Калыкым шупшыктымаште лӱдыкшыдымылыкым да качествым кугемдыме шотышто шуко ышталтеш. Мутлан, у автовкзалым чоҥымо, аэропортын чоҥештен кӱзымӧ да волен шичме полосаже пужен ышталтеш, у терминалже проектироватлалтеш. Вигак иканаште лу у троллейбусым налме. Корно сеть кажне ийын вашталт толеш. Ола агломерацийыште 52 процент корно норматив деке лишемеш, 18 процент кугу корным норматив марте келыштарыме, олаште кугу магистраль чоҥалтеш.