Шернурышто шӱк-куштырам ойыркалыме комплексым чоҥаш шонат
Республикын промышленность, экономически вияҥмаш да торговля министрже Станислав Крылов «Ару ола» ООО да «Сбербанк» ПАО-н еҥышт дене вашлийын. Нуно Шернур посёлкышто шӱк-куштырам ойыркалыме комплексым чоҥымаште концессий соглашенийым кучылтмо нерген ойленыт. Тыгай комплексым чоҥымаш полигоныш куштырам шагалрак шупшыкташ да пӱртӱслан кондымо эҥгекым шагалемдаш полша. Вашлиймаште тарватыме ик тӱҥ йодышыжо проектлан оксам ойыраш кӱлешан документым ямдылыме нерген лийын.
