Догазификаций йодышым каҥашыме

               Регионысо штабын заседанийыштыже республикыште догазификацийым ыштыме йодышым каҥашыме. Йошкар-Олаште «Газпром газораспределение Йошкар-Ола», исполнительный кучем орган да верысе самоуправленй орган- влакын еҥышт дене газификаций шотышто республикысе штабын заседанийже лийын. Тушто газым пуртымо да пуртен шуктыдымо верлаште тудым мучашлыме йодышым каҥашыме. Республикыште догазификаций программыш логалше  7 тӱжем наре сурт-озанлык шотлалтеш, кум тӱжем утла йодмашым налме. Эн шуко йодмаш Медведево, Куженер да Звенигово районлаште  пурен. Идалык мучаш марте 650 йодмаш почеш пашам шуктышаш улыт. Догазификаций программе кышкарыште чылаже 400 меҥге утла кужыт газпучым чоҥымо лиеш. Погынышо- влак «Газпром газораспределение Йошкар-Ола» организацийын проект да разрешительный документацийым  ваш келыштарыме жапшым кӱчыкемдаш да «Газпром газораспределиние» ден ресурсым ситарыше- влак коклаште вашкыл нерген соглашенийым пеҥгыдемдаш темлымашыжым  поддержатленыт. Лекше йодышым писын виктарен колташ манын, муниципал образований кӱкшытыштӧ газификаций шотышто штаб- влакым ыштыме лиеш.