Энергетик- влак ешартыш полышым пуымо шотышто пашаштым иктешленыт

              «Мариэнергон» энергетикше- влак ешартыш полышым пуымо шотышто пашаштым иктешленыт. Электроэнергийым пуымо, потребитель- влакым ушымо тӱҥ паша  деч посна энергетик- влак ешартыш полышымат пуат. Тений идалык тӱналтыш гыч «Мариэнерго» филиал ешартыш паша шотышто 960 ойпидыш почеш пашам шуктен. Эн шуко ойпидышыже -526-шо электросеть деке ушымо дене кылдалтын, тӱжвал волгыдым пурташ 81 ойпидышым кылдыме. Кызыт филиалын технический обслуживанийыштыже- 24 тӱжем утла светильник уло. Тенийсе 9 тылзыште чыла районышто тӱжемат 275 светодиодан светильникым вераҥдыме. Эн шукыжо 500- Йошкар-Олаште вераҥдыме. Тыгак Знаменский посёлкышто, Нурма, Березники, Орша яллаште да У Торъял посёлкышто лампым сакыме. Тиддеч посна Йошкар-Оласе Йыван Кырля скверым волгалтарыме. «Россети Центр и Приволжье Мариэнерго» ушештара: полышым дистанций формат денат налаш лиеш.
              Фото:МедиаПоток