Палантай лӱмеш тӱвыра да сымыктыш колледжлан 90 ий темын

               Республикысе Палантай лӱмеш тӱвыра да сымыктыш колледжлан 90 ий темын. Тудын тунемшыже да нунын ача-аваштым, туныктышо- влакым кугу лӱмгече дене Республикым вуйлатыше Александр Евстифеев саламла. 1931-ше ийыште Йошкар-Олаште кыдалаш специальный тунемме тӧнеж почылтын. Тудо марий кундемлан профессионал музыкант- влакым ямдылаш ышталтын. Тиде сомылым тудо 90 ий шукта, ятыр уста музыкантым шуарен луктын. Нуно республикыште гына огыл, ӧрдыж кундемлаштат палыме улыт. Тендан выпускникда- влак Юл кундемысе, Санкт-Петербургысо, Москосо, йот элласе театр, туныктымо тӧнеж, концерт организацийлаште пашам ыштат. Колледжым вуйлатыше- влак Озаҥысе, Угарманысе, Саратовысо. Москосо кугыжаныш консерваторий- влак дене пеҥгыде пайдале кылым ыштеныт. Кызыт колледж республикысе тӱвыра илышыште чапле верым налын шога. Студент- влак округысо, российысе да тӱнямбал конкурслаште республикын чапшым аралат. Ятыр ий дене колледжыште пашам ыштыше ветеран- влаклан кугу тау. Ӱшанем: колледжыште тунемше- влакым у усталык сеҥымаш- влак вучат,- каласен шке саламлымашыштыже республикым вуйлатыше.