Марий институт шанче конференцийым эртара
Марий институт шанче конференцийым эртара. Йылмым, сылнымутым да историйым научно шымлыше Валериан Васильев лӱмеш марий институт 2022-шо ий 10-шо декабрьыште кокымшо Васильев лудмашым – Ӱпымарий лудмашым эртараш шона. Тудо Марий тиште кечылан пӧлеклалтеш. Форум йот элла гычат шанчыеҥ- влакын ушнымо дене Россий кӱкшытан шанче-практик конференций семын эртышаш. Тудын темыже- «Кызытсе жапысе компаративистикын пӱсын шогышо йодышыжо- влак». Тушто ятыр темым каҥашаш палемдалтеш. Нунын коклаште тыгай улыт: Валериан Васильевын тӱҥ сеҥымашыже- влак да кызытсе марий гуманитар шанче- влак; Урал ден Юл кундемысе калыкын йылме ден тӱвыражым шымлыше да сотемдарыше- влакын усталык поянлыкышт; Урал ден Юл кундмеысе калык- влакын йылмыштым, фольклорыштым, сылнымутыштым, историйыштым, этнографийыштым, тӱвыраштым таҥастарен шымлымаш да молат лийыт. Конференций кышкарыште тыгак лӱмлӧ марий йылмызе- влак Гурий Кармазин ден Дмитрий Казанцевын лӱмгечыштлан пӧлеклалтше йыргешке ӱстел йыр мутланымаш лийшаш.