Ночко луман корнышто шучко аварий лийын
Теҥгече, 11-ше ноябрьыште, «Йошкар-Ола- Угарман» трассыште корно туткареш кок еҥ колен, кум йочам эмлыме верыш наҥгайыме. Юрино район кундемыште кечывал деч вара Угарман трассын 223-шо меҥгыштыже осал ДТП лийын. Начар игече шогымо годым «ВАЗ- 2110» ден «Рено-Логан» ваш тӱкненыт. ДТП-ште ВАЗ-ын водитель ден пассажирже ӱмыр лугыч лийыныт, а нунын дене пырля кайыше кум йочам эмлыме верыш кондымо,- увертара МВД.
