Парламентарий- влак иктешлыше сессийлан ямдылалтыт

                  Марий Элын Парламентарийже- влак тенийсе иктешлыше сессийлан ямдылалтыт. Тиддеч ончыч депутат- влак кокымшо декабрьыште лийшаш 22-шо бюджет сессийлан ямдылалтме йодыш- влакым онченыт. Повесткын проектыштыже кызыт 11 йодыш уло. Ушештарена: кумшо ноябрь гыч республикын шушаш ийлан да план почеш 2023-шо- 2024-ше ийлан бюджетше нерген законын проектше шотышто заочно публичный колыштмаш эрта. Тымарте законопроект шотышто замечаний, темлымаш да йодыш пурен огыл. Эрла бюджет шотышто Головной комитет иктешлымашым ышта да публично колыштмашын лектышыже нерген протоколым воза. Тудым вара республикым вуйлатышылан колтат. Тиддеч посна Совет 16-шо ноябрьыште депутатын кечыжым эртарыме да тенийсе мучашлыше 23-шо сессийым эртарыме нерген йодышым ончен. Тудыжо ончылгоч палемдыме почеш 23-шо декабрьыште лийшаш.