Калыкле проект- влакым илышыш шыҥдараш Марий Элыште тений индеш миллиард теҥгем кучылтмо
Калыкле проект- влакым илышыш шыҥдараш Марий Элыште тений индеш миллиард теҥгем кучылтмо. Республике тӱжемат 50 контрактым пеҥгыдемден. Тенийсе контарктым ыштыме кӱкшыт 94 утла процентыш шуын. Регионысо проектлам шыҥдарыме йодыш дене правительствын заседанийжым Марий Элым вуйлатыше Александр Евстифеев эртарен. Корно дене кылдалтше ик эн кӱлешан проектым шыҥдарыме шотышто тенийсе планым 100 процентлан шуктымо да эртарен темыме. Вес ийланат 100 процент контрактым ыштыме. Тенийлан 22 объектым пашаш колташ палемдыме ыле гын, тымарте 14-ше пашам ышташ тӱҥалын, идалык мучаш марте эше 7 объект ямде лийшаш. Йошкар-Ола- Санчурск, Кокшайск-Красногорский корнылам олмыктымо. Эше регион кӱкшытан 8 корно ужашыште олмыктымо паша умбакыже шуйна. Йошкар-Оласе уремлам олмыктымо пашат график деч ончыч шукталтеш. Аварийностьым иземдаш манын, фотовидеофиксаций системе вияҥдалтеш. 2024-ше ий марте 250 тыгай комплекс лийшаш.