Тунемше- влакын олимпиадыштын муниципал йыжыҥже тӱҥалын
Марий Элыште тунемше- влакын Россий кӱкшытан олимпиадыштын муниципал йыжыҥже тӱҥалын. Тылзе мучко олимпиадыш пуртымо 7-ше 11-ше класслаште тунемше- влак шке шинчымашыштым 22 предмет дене тергаш тӱналыт. Эн ончыч нуно астрономий дене шинчымашыштым ончыктат. Тергымаш чыла санитар да эпидемиологий йодмашым шуктен эртаралтеш. Муниципал йыжыҥ 9-ше декабрьыште мучашлалтеш. Кӱлеш наре баллым погышо тунемше- влак олимпиадын регионысо кӱкшытыштыжӧ кучедалаш тӱҥалыт. Тудыжо 11-ше январь гыч 25-ше февраль марте эрта.