Маристат шотлен…

                 Маристатын ончыктымыж почеш, тенийсе 9 тылзе жапыште Йошкар-Олаште 150 тӱжем квадрат метр утла илыме верым чоҥымо. Тидыже республике мучко чоҥымын 60 процентше лиеш. Кодшо ийысе дене таҥастарымаште 37 процентлан ешаралтын. Чоҥышо организаций- влак шуко пачеран 22 пӧртым але кок тӱжемат 300 утла илыме верым чоҥеныт. Посна чоҥышо оза- влак лу тӱжем квадрат метран 45 пӧртым чоҥеныт. Тиддеч посна ола округышто тӱрлӧ куатан 118 меҥге утла электропередаче линийым, 300 метр вӱд пучым, 200 метр газ пучым, автозаправкым, машинам мушмо 12 постан кок верым, тӱжем утла квадрат метр ужалкалыме верлам, марий филармонийым пашаш колтымо.