Марий Элыш 46 у школ автобусым кондымо

                 Марий Элыш 46 у школ автобусым кондымо. Тунемме тӧнеж- влаклан лишыл жапыште эше 31 транспортым кондышаш улыт. Тыге тений республикылан эн шуко автобусым пуымо- 77-ым. Чылаже 2017-ше гыч 2020-шо ий марте Марий Элыш 117 школ автобусым кондымо. Школ деч посна транспортым йоча сад, ешартыш да профессионал шинчымашым пуышо тӧнеж- влак налыт. Верысе самоуправлений орган, туныктыш виктем да туныктыш тӧнежлам вуйлатыше- влаклан у автобус деч сравочым  Марий Элым вуйлатыше кучыктен. Тудо палемден: республикысе тунемше- влаклан шинчымашым налаш йӧн федерал кӱкшыт дене келшен толеш да южыжо эшеат сайрак. А автопаркым уэмдымаш- образований  системым модернизироватлымаште черетан кӱлешан ошкыл. Пытартыш жапыште туныктымо пашаште шуко ыштыме. 16 йоча садым почмо, вич школым чоҥымо, йоча садлаште кум тӱжем верым ыштыме, «Точка роста» 36 рӱдерым почмо, ялысе школлаште 39 спортзалым олмыктымо. 14 мастерскойыш у оборудованийым шындыме. Икымше «Кванториум» технопарк ден цифран шинчымашым налме «АйТи-клуб» кок рӱдерым почмо. Идалык мучаш марте эше кок йоча сад да ик школым ыштен шуктышаш улыт. Кызыт школ автопарк гына уэмеш огыл, школ маршрут- влакат кумдаҥыт. Кум районышто куд у маршрутым ыштыме. Тушко куд  автобус лектеш. Моло техникыже кызытсе маршрут- влалкан полшаш тӱҥалыт. Республикым вуйлатыше тыгак йоча- влакым шупшыктымо годым лӱдыкшыдымылык  йодмашым шукташ кӱштен.