Марий Элым вуйлатыше лу еҥым наградитлен.

               Республикым вуйлатыше Александр Евстифеев шке пашаштышт ойыртемалтше да сеҥымашыш шушо еҥ- влаклан орденым, медальым, чап лӱмым пуымо нерген указ- влакым пеҥгыдемден. Чылаже лу еҥым наградитлен. «Марий Эл ончылно надырлан» икымше степенян орденым сенатор- влак Константин Косачёв ден Сергей Мартынов налыныт. «Марий Эл ончылно надырлан» орденын медальжым пуымо еҥ- влак коклаште правительстве вуйлатышын икымше алмаштышыже Александр Сальников, правительстве вуйлатышын алмаштышыже Степан Воронцов, эл кӧргӧ паша министр Сергей Волчков, пӱртӱс поянлык министр Алексей Киселёв, тазалыкаралтыш министр Марина Панькова, Йошкар-Ола эмлыме верын тӱҥ варчшын алмаштышыже Лариса Бендер улыт. Тиде эмлыме верын ковид дене черланыше- влакым эмлыме инфекций пӧлкан заведующийже Людмила Ахиева «Марий Элын сулло врачше» чап лӱм дене палемдалтын. Республикысе Верховный судын финанс-озанлык пӧлкажым вуйлатыше Надежда Руденко «Марий Элын сулло экономистше» лийын.
               Фото: "Кидшер".