Россий Федерацийын правительствыже Марий Элын бюджетышкыже ешарен кум миллиард утла теҥге оксам колта

              Россий Федерацийын правительствыже Марий Элын бюджетышкыже ешарен кум миллиард утла теҥге оксам колта. Кугыжаныш Погынын теҥгече эртыше сессийыштыже каҥашыме ик йодышыжо федерал казна гыч толшо ассигнованийын кугеммыжлан кӧра бюджетыш вашталтышым пеҥгыдемдымаш лийын. Решенийын кӱлешлыкшым сенатор Сергей Мартыноват палемден. Тудын мутшо почеш идалык мучаш марте республикын бюджетышкыже федерал казна гыч кум миллиардат 200 миллион теҥгем ешарен ойырымо лиеш. Тыге, республике тошто пӧртла гыч калыкым кусараш, ковид деч эмлаш эмым налаш, школ ден йоча садлаште верым ешараш да моло сомылланат финансированийым кугемден кертеш. Сергей Мартынов тидымат палемден: сессийыште ончымо ик йодыш калыклан социал полышым пуымо нерген лийын, поснак социал обслуживаний организацийлаште тыршыше- влаклан полышым пуымаш. Нунын коклаште ятырже ӱдырмаш улыт. Кызыт пандемий жапыште нуно ончымо еҥышт деке толыт, озанлык сомыл дене полшат, кочкышым, эмым налын кондат. Икманаш, пашашт эше ешаралтын. Садлан нунылан шкаланыштат полышым пуаш лийме. Адакшым тиде отрасльыште яллаште тыршыше- влаклан коммунал полышлан тӱлаш льгото пуалтеш.