Советский районышто посёлкыла кокласе газпучым чоҥат
«Газпром газораспределение Йошкар-Ола» Советский районышто посёлкыла кокласе газпучым чоҥа. Специалист- влак Кугунур, Шӱледӱр. Роҥго яллашке, Голубой да Солнечный посёлкыла деке газпуч трассын пелыжым шупшыныт. Тыгак газым пуртышаш ялла деке пучым пыштат. Идалык мучаш марте Голубой посёлкышто посёлкыла кокласе сетьым ыштен шуктымо лиеш. Тиде проект Газпромын «Марий Элыште 2021-2025-ше ийлан газым ситарыме да газификаций программыже» кышакрыште шыҥдаралтеш. 28 меҥге кужытан газпучым 2022-шо ийыште ыштен шуктышаш улыт. Тудо 655 пӧртыш да кок котельныйыш газым пурташ йӧным ышта. Предприятийын директоржо Игорь Ганичевын мутшо почеш, тиде трассе куштылго огыл. Кызыт чара верыште паша шукталтеш. Эҥер да корныла гоч йымаке йожек буритлен 7 рожым ыштыме. Эн неле чодыран да купан верлаште телым пучым шупшаш тӱҥалыт.