Рӱдӧ олалан тений у У ий кожым налме

              Йошкар-Олаште тений 25 метр кӱкшытан кожым вераҥдат. Рӱдӧ олана У ийым вашлияш ямдылалташ тӱҥалын. Тиде йодыш дене ола администрацийыште потребитель рынке предприятий, промышленность да тӧнеж- влакын еҥышт дене совещаний эртен. Каҥашыме ик тӱҥ йодышыжо кундем- влакым У ий да Роштолан сӧралын сӧрастарымаш лийын. Утларак ямде улмо режим оласе калыкын пайрем кумылжым волтышаш огыл,- каласеныт мэрийыште. Тӱҥ сӧрастарымашыже, мутат уке,  Ленин площадьысе У ий кож лиеш. Ондаксе кожын тоштеммыжлан кӧра тений уым налме. Тудо кӱкшырак- 25 метран лиеш. Предприятий ден организаций- влаклан шке витриныштым, пурымо верлам, воктелсе кумдыклам сӧрастараш темленыт.