Республикыштына медицина организаций- влакым уэмдаш кок миллиард теҥге наре оксам кучылтыт

                     Республикыштына медицина организаций- влакым уэмдаш кок миллиард теҥге наре оксам кучылтыт. Тазалыкаралтышын первичный звеножым уэмдыме программе 2021-ше- 2025-ше ий- влаклан шотлалтын. Тазалыкаралтыш министерствыште увертарыме почеш, тений куд объект олмыкталтеш. Тиде- Азаново эмлыме вер, Волжск оласе эмлыме верын поликлиникыже, Шернур ден Морко районласе рӱдӧ эмлыме вер, Курык марий районысо Виловат да Солнечный посёлкысо врач амбулаторий- влак. Программым шыҥдарыме жапыште республикыште тазалыкаралтышын 13 объектшым капитально олмыктыман. Тиде- 8 поликлинике да 4 врач амбулаторий ден Республикысе клинический эмлыме верын офтальмологий консультаций да диагностик пӧлкаже. Тиде пашалан 267 миллион утла тенге окса кучылталтшаш. Программе почеш тыгак тазалыкаралтышын шым объектшым чоҥаш, 59 медицина оборудованийым да 83 автомобильым налаш  палемдыме. Чыла тидым илышыш шыҥдараш оксан тӱшка кугытшо кок миллиард утла теҥгеш погына.