Медведево районысо Азаново эмлыме верыште у леведышым ыштыме

                Медведево районысо Азаново эмлыме верыште у леведышым ыштыме. Тидлан кок миллионат 700 тӱжем теҥгем кучылтмо. Тиде илемыште кок тӱжем еҥ ила. Эмлыме вер кышкарыштак 22 койкылан паллиативный полышым пуымо пӧлка шотлалтеш. Тушто неврологий да онкологий чер деч эмлалтыт. Тыгак сутка мучко пашам ыштыше терапевт да кечывалым ыштыше стационар- влак улыт. Кажныштыже лу койко верланен. Эмлыме верын кермыч дене чоҥымо кок пачашан, лапка леведышан зданийым 90-шо ийла тӱҥалтышыште ыштыме. Тиде жапыште леведышыжым икмыняр гана изин олмыктымо, но тиде сай лектышым пуэн огыл, вӱд садак шыҥен пурен. Тиде гана леведышым ачалыме паша тылзат пеле шуйнен. Ынде тудо тургыжландараш ок тӱҥал манын ӱшаным кучат эмлыме верым вуйлатыше- влак.