Студент спортын фестивальже мучашлалтын
Студент спортын фестивальже мучашлалтын. 11-ше фестиваль ик арня жапыште Удмуртийыште эртен. Тушко элысе 20 вуз гыч 600 наре студент ушнен. 19 регионын сборный командыже- влак 73 комплект награде верч кучедалыныт. Программыште баскетбол, гандбол, волейбол, ӱстембал теннис, иймаш, самбо, шахмат, ГТО многоборье, куштылго атлетике да компьютер спорт лийыныт. Таҥасымашын лектышыже почеш мемнан республикын сборный командыже компьютер спорт дене кокымшо верым, самбо дене кумшо верым налын. Коло вуз коклаште спортын чыла видше денат 5-ше верыш лектын. Посна дисциплинылаште студент- влак сай лектышым ончыктеныт: ӱстембал теннис дене кумшо вер, гандбол дене тыгак кумшо, куржталмаште Анна Семёнова кумшо лийын, компьютер спортын ик видше дене икымше вер, спорт квиз дене кокымшо, самбо дене Мария Кравцова икымше, Мария Строкина кумшо верым сеҥен налыныт.
