Марий Турекысе эмлыме верышке у рентген аппаратым налме

                 Марий Турекысе эмлыме верышке у рентген аппаратым налме. Рӱдӧ эмлыме верыш кызытсе жаплан келшыше рентген аппаратым 16 миллион наре теҥгелан налын кондымо. Тиде паша республикысе тазалыкаралтышын икымше звеножым уэмдыме программе кышкарыште ышталтын. У оборудованийым шындашлан лӱмын пӧлемым олмыктымо. Тушто окнам, кондиционерым шындыме, линолеумым вашталтыме, вентиляций системым уэмдыме. У аппарат дене тергымашым тӱжем утла пациент эртен.
                Тазалыкаралтыш министерствын увертарымыж почеш  тений тиде программе дене келышын 15 оборудованийым налаш палемдыме. Нунын радамыште компьютер томограф, кок стационарный рентген аппарат, ныл маммограф, вич рентген флюорограф, кум УЗИ аппарат улыт. Программым шыҥдарыме вич ий жапыште 2021-ше гыч 2025-ше ий марте республикыште 858 миллион теҥгелан 59 медицина оборудованийым налшаш улыт. Модернизацийын чыла программыжым шыҥдараш, оборудований деч посна, тазалыкаралтыш объектлам чоҥаш да олмыкташ, автотранспортым налаш, кок миллирад утла теҥге окса кучылталтшаш.