Тазалыкаралтыш министр сарын ветеранже- влаклан клинический госпитальын инфекций пӧлкаштыже обходым ыштен

                   Республикын тазалыкаралтыш министрже Марина Панькова сарын ветеранже- влаклан клинический госпитальын инфекций пӧлкаштыже обходым ыштен. Тудо ковид дене черланыше-влак эмлалтыт. Госпиталь 2020-шо ийыште инфекций стационарым почын. Тӱналтышлан 30 койко лийын, вара 60, 80, 120 марте ешарыме. Кызыт госпитальыште ковид черан- влаклан 165 койко уло. Тӱҥ врач Герман Мурзаевын мутшо почеш кызыт чер нелынрак эрта, ИВЛ кучылталтеш. Реанимаций пӧлкаште вер уке манаш лиеш. Чыла ИВЛ аппаратым чӱктымӧ. 70 процент черлылан кислород полыш кӱлеш. Черле- влак вараш кодын полышым йодыт. Сандене осложнений вияҥеш. Эмлыме вер гыч лекмекат пациент- влак врачын темлымашыжым шуктышаш улыт. Эпидемий ваштареш виктаралтше мероприятий- влакым тӱрыс шуктыман. Туҥ инструментлан вакцинаций шотлалтеш.