Марат Хуснуллин Марий Элын инфраструктурный проектше- влакым сайлан шотлен

                  Марат Хуснуллин Марий Элын инфраструктурный проектше- влакым сайлан шотлен. Таче Марий Элым вуйлатыше Александр Евстифеев Российын Вице-премьерже Марат Хуснуллинлан республикын инфраструктура проектше- влакым ончыктен да Россий Федерацийыште регионлам вияҥдыме шотышто Правительство комиссий Президиумын заседанийыштыже докладым ыштен. Тудо палемден: ойырымо лимит кышкарыште республике ик миллиардат 345 миллион теҥгеаш кум проектлан оксам ойыраш йодмашым пуэн. Кок проектше у илыме верлам чоҥымо кумдыклам вияҥдаш виктаралтын. Тиде- Медведево посёлкышто Сеҥымашын 75-ше идалыкше лӱмеш бульвар ден Медведево посёлко ден Йошкар-Ола коклаште Черняков уремысе зоным уэмдымаш. Иктыжлан 382 миллион, весыжлан 319 миллион теҥге кӱлеш. Кумшо йодмашыже Йошкар-Оласе аэропортышто пассажир терминалым чоҥымаш проект дене кылдалтын. Тудым кодшо ийын шыҥдараш тӱҥалме да 740 миллион теҥгем палемдыме. Проект да смета документацийым ыштымеке чоҥымашын акше ик миллиардат 476 миллион теҥгеш шуын. Чоҥен пытараш 2022-шо 2024-ше ийлан 643 миллион теҥге кӱлеш лиеш. Правительство комиссийын еҥже- влак да Марат Хуснуллин Марий Элын инфраструктура проектше- влакым поддержатленыт да сайлан шотленыт.