Маске деч посна коштат- еҥ- влаклан лӱдыкшым луктат
Маске деч посна коштат- еҥ- влаклан лӱдыкшым луктат. Роспотребнадзорын экспертше- влакын увертарымышт почеш, медицина маске- кокырымо годым лекше вӱдыжгӧ чӱчалтышым чарыше аралалтме средстве. А вӱдыжгыштӧ ОРВИ-н да моло респираторный черынат вирусшо лийын кертеш. Тачысе кечылан республикыште неле эпидемиологий обстановко. Ик суткаште инфекций стационарла гыч 159 пациентым лукмо гын, 155-ым эмлаш пыштыме. Йошкар-Оласе эмлыме верыште пневмоний дене 350 еҥ эмлалтеш, коронавирус дене 261 еҥ. 64-ше нелын черланыше, 261 еҥлан кислород кӱлеш, 14 еҥ ИВЛ дене пайдалана. Садлан кӧра Йошкар-Оласе кевытлаште кажне кечын антиковид йодмаш- влакым шуктымо шотышто тергымаш- влак эртат. Тӱшка верлаште обязательно маскым чийыман да дистанцийым эскерыман. Правилым шуктыдымылан штрафым тӱлыктен кертыт. Тыглай еҥ-влаклан 30 тӱжем теҥге марте, должностной еҥ-шамычлан 50, юридический лицалан 300 тӱжемат теҥге марте тӱлыктен кертыт. Нарушенийым уэш ыштыме гын, еҥ- влаклан латвич тӱжем теҥге гыч тӱҥалын, продавец- влаклан 300 тӱжем теҥге гыч тӱҥалын штрафым тӱлыктат.